चलचित्र ‘जानी नजानी’ को कलरफुल ट्रेलर रिलिज (भिडियो)

0SHARES

११ फाल्गुन २०७५ नेपाल टाईम्स

काठमाडौँ, फागुन ११
नेपाली चलचित्र म ‘जानी नजानी’ को अफिसियल ट्रेलर इन्टरनेट रिलिज भएको छ ।‘स्टाइलिस’ अभिनेता मनिष श्रेष्ठ स्टारर सो फिल्मको अफिसियल ट्रेलर शुक्रबार इन्टरनेट रिलिज गरिएको हो ।

पूर्ण व्यावसायिक बनाइएको ट्रेलर कलरफुल बनेको छ । मनिष र निरिशा बस्नेतको प्रेममा आउने उचारचढावलाई ट्रेलरमा प्रस्तुत गरिएको छ । ट्रेलरमा मेकिङ क्वालिटी पनि उच्च देखिएको छ ।

दर्जनौं फिल्ममा सह–निर्देशकको रुपमा काम गरेका बसन्त अधिकारीले यस फिल्मको निर्देशन गरेका हुन् । उनले आफूले सामिप्यराज तिमल्सिनाले तयार पारेको कथालाई दृश्यभाषामार्फत् न्याय गर्ने इमान्दार प्रयास गरेको बताए । उनी ‘जानी नजानी’ प्रेमले भरिएको एक रमाइलो फिल्म बताउँछन् ।

ट्रेलरमा फिल्मका लिड कलाकारहरु मनिष र निरिशासँगै सन्नी सिंह, नम्रता सापकोटाका साथै प्रकाश अधिकारी, कृष्ण भक्त महर्जन, रोशनी केसी लगायतको अभिनय रहेको छ । यो फिल्म चैत १ गतेबाट देशभर प्रदर्शनमा आउँदैछ ।

आधुनिक प्रेमकथामा आधारित भनिएको फिल्ममा छायांकन संजय लामाको रहेको छ । फिल्मकी प्रस्तुतकर्ता रोशनी केसी हुन् । मोदनाथ खनाल र सागर काजी मालीले यसलाई निर्माण गरेका हुन् । यस फिल्मको अर्जुन पोखरेलले तयार पारेको ‘एउटीलाई मुटुमा घर’ बोलको गीत चर्चामा आएको छ ।

विज्ञापन बक्स