ट्रिपर सञ्चालनमा कडाई गरेपछि ट्रिपर व्यवसायी आन्दोलित

0SHARES

९ पुष २०७५ नेपाल टाईम्स

विराटनगर : प्रदेश ट्राफिक प्रहरी कार्यालयले ट्रिपर सञ्चालनमा कडाईप्रति व्यवसायी संघले आपत्ति जनाएका छन् ।आफ्नो व्यवसायलाई असर पार्ने गरी प्रहरीले गरेको कडाईका विरुद्ध आन्दोलन गर्ने उनीहरुले चेतावनी दिएका छन् ।

ट्राफिक प्रहरीले पुस १ गतेदेखि बढी व्यस्त हुने बिहान र बेलुकीको समयमा मुख्य राजमार्ग तथा सहायक राजमार्गमा सुरक्षा एवं ट्राफिक आवगमनलाई केन्द्रित गरी दैनिक दुई घण्टा ट्रिपर सञ्चालनमा रोक लगाएको थियो ।

ट्रिपरका कारण सडकमा दुर्घटनाको जोखिम बढेको भन्दै ट्राफिक प्रहरीले प्रदेश १ का सबै सडकमा दैनिक बिहान ९ बजेर ३० मिनेट देखि १० बजेर ३० मिनेटसम्म र बेलुका ३ बजेर ३० मिनेट देखि ४ बजेर ३० मिनेट सम्म दैनिक दुई घण्टा सञ्चालनमा प्रतिबन्ध लगाउने निर्णय गरेको हो ।

ट्रिपरका कारण सडकमा दुर्घटनाको जोखिम बढेको भन्दै ट्राफिक प्रहरीले सञ्चालनमा लगाएको रोक विभेदकारी भएको भन्दै आफुहरुले चरणवद्ध आन्दोलन गर्ने ट्रिपर व्यवसायी संघको चेतावनी छ ।पुर्व क्षेत्रमा ६ चक्का र १० चक्काका ट्रिपर सञ्चालन हुने गरेका छन् ।

भारतीय मालबाह ट्रकले नेपाली ट्रिपरभन्दा तीन गुणा तौल बोकेर सञ्चालन गर्न दिने तर नेपालको कानुनअनुसार सञ्चालनमा रहेका ट्रिपरलाई बिहान बेलुका सञ्चालनमा रोक लगाउने नीती विभेदकारी भएको भन्दै संघले आईतबार विराटनगर भन्सार कार्यालय अगाडि ४० टन भन्दा बढी तौल भएका भारतीय मालबाहक गाडिलाई रोकेर सांकेतिक रुपमा विरोध जनाएको हो ।, यो समाचार आजको उद्घोष दैनिकमा छापिएको छ ।

विज्ञापन बक्स