ठुलो परिमाणमा अवैध सुर्ती र मल सहित पक्राउ

0SHARES

२३ श्रावण २०७५ नेपाल टाईम्स

विराटनगर, साउन २३
सुनसरी जिल्लाको ईनरुवा नगरपालिका–४ बाट १ लाख ३३ हजार रुपैया बराबरको अवैध सुर्ती तथा मल सहित १ जना पक्राउ गरिएको छ ।भन्सार छली गरी ल्याएको सुर्ती र मल सहित प्रहरीले ईनरुवा नगरपालिका–४ बस्ने सहदेव मेहेतालाई मंगलबार पक्राउ गरेको हो।

मेहेताले भारतबाट चोरी छिपाई ल्याएको उक्त सामान ईनरुवा नगरपालिका–४ मा कोठा भाडा लिई भण्डारण गरेको छ भन्ने विशेष सुचना पाएपछि जिल्ला प्रहरी कार्यालय सुनसरीको टोलीले मंगलबार बिहान मेहेताको कोठामा खानतलासी गरि ठूलो परिमाणमा सुर्ती, सुर्ती प्याकिङ गर्ने प्लाष्टीकको खोल, तयारी सुर्तीका प्याकेट, बिडी र गुणस्तरहिन भारतीय कृषी मल तथा साइकल बरामद गरेको थियो ।

बरामद सामानसहित मेहतालाई मंगलबार नै आवश्यक कार्वाहीको लागी सेतु बन्धु भन्सार कार्यालय कोशी ब्यारेजमा बुझाइएको प्रहरीले जनाएको छ ।

विज्ञापन बक्स