दिनभरका प्रमुख खबर

0SHARES

८ आश्विन २०७७ नेपाल टाईम्स
NepalTimes Samachar

आजका प्रमुख खबरहरुः

१.(दुःख थप्दै कोरोना)
नेपालमा हालसम्म कोरोना बाट ४ सय ५३ जनाको मृत्यु/आज १ हजार ४ सय ९७ जना संक्रमित थपिँदा संक्रमित हुनेहरुको संख्या ६९ हजार ३ सय १ पुग्यो /निको हुने ५० हजार नाघे ।

२.(भेटियो स्तम्भ)
लामो समयदेखि हराएको भनिएको नेपाल–चीन सीमा छुट्याउने ११ नम्बर सीमास्तम्भ हिउँ र माटोले पुरिएको अवस्थामा भेटियो /सीमा छुट्याउने ११ नम्बर सीमास्तम्भ खोज्न गएको नेपाली टोली लाप्चाबाटै फर्कियो ।

३.(कसरी बोल्यो सरकारले ?)
हुम्लामा नेपाल र चीनबीचको सीमा मिचिएको हो वा होइन भन्नेबारे सरकारले हतारमा टिप्पणी गरेको कांग्रेसको आरोप /स्थलगत अध्ययन जारी रहँदै सरकारले धारणा सार्वजनिक गर्नु युक्तिसंगत नदेखिएको दाबी ।

४.(केही आउँछ कि ?)
नेपाल–चीन सीमामा गाडिएका सीमास्तम्भको स्थलगत निरीक्षण गर्न मुगुको र्मारोङ गाउँपालिकाका अध्यक्ष नेतृत्वको टोली सीमातर्फ/टोलीले सीमा क्षेत्रका समस्याबारे चिनियाँ अधिकारी र स्थानीयसँग छलफल गर्ने ।

५.(वर्षाको कहर)
अविरल वर्षापछि स्याङ्जाको छुट्टाछुट्टै दुई ठाउँमा गएको पहिरोमा परी एकै परिवारका नौ जनासहित ज्यान गुमाउनेको संख्या १० पुग्यो /एक जनाको जीवितै उद्धार ।

६.(नरोकिँदो वर्षा)
रुपन्देहीको तिनाउ नदीमा पानीको बहाव बढेपछि आसपासका क्षेत्रमा कटान सुरु /सतर्क रहन आग्रह /नारायणीमा पानीको सतह खतराभन्दा माथि पुगेपछि गण्डक ब्यारेजका सबै ढोका खोलिए /शनिबारसम्म देशभर वर्षाको सम्भावना रहेको मौसम विज्ञान विभागको अनुमान ।

७.(ई–पासपोर्टमा इन्ट्रेस्ट)
परराष्ट्र मन्त्रालयअन्तर्गत राहदानी विभागद्वारा विद्युतीय राहदानी छपाईका लागि एक वर्षको अन्तरमै तेस्रोपटक अन्तर्राष्ट्रिय बोलपत्र आह्वान /२० लाख प्रति ई–पासपोर्ट छाप्ने शर्तसहित प्रस्ताव बुझाउने अन्तिम मिति अक्टोबर १४ सम्मलाई तोकियो ।

८.(हुन्छ त सुधार ?)
प्रत्येक अस्पतालहरुमा ‘नन कोभिड’ विरामीहरुको सहज तरीकाले उपचारको व्यवस्था मिलाउन अनुगमन गर्न गठित संसदीय उपसमितिको सुझाव/लकडाउन र निषधाज्ञा भन्दापनि मापदण्डहरु पालना गराउने जनचेतना बढाउने सुझाव ।

९.(केबल व्यवसायीको पीर)
क्लिन फिड लागू हुनुअगाडि सरकारले केही सुविधा दिनुपर्ने र ओटीटी/मोबाइल एप्समा आधारित टेलिभिजन प्रसारण बन्द गराउनुपर्ने केबल व्यवसायीहरुको माग/गैरकानूनी रुपमा प्रसारण भएकाले अमर्यादित व्यापार गर्नुका साथै अर्बौंको राजश्व छलि गरिरहेको आरोप ।

१०.(प्रबद्र्धनको उपाय)
आन्तरिक पर्यटन प्रवर्द्धन गर्न पर्यटन मन्त्रालयले हप्तामा दुई दिन बिदा दिने प्रस्ताव मन्त्रिपरिषदमा पेश गर्ने /अध्ययन तथा कार्यदलको प्रस्ताव पछि मन्त्रिपरिषदमा पेस गर्ने मन्त्रालयको निर्णय ।

११.(झाडी भित्रको झेल)
‘वैज्ञानिक वन व्यवस्थापन कार्यविधि २०७१’ खारेज गरी वन फडानीमा संलग्न सबैलाई कारबाही गर्न लेखा समितिलाई सिफारिस/कार्यक्रम लागू गरेका जिल्लामा कार्यरत सबै अधिकृतहरु सहित समुदायिक वन उपभोक्ता समूहको सम्पत्ति सुद्दीकरण गर्न निर्देशन ।

१२.(अनि हुन्छ काम)
सडक डिभिजन कार्यालय हेटौंडाले सुरु गर्यो सम्झौता बमोजिमको कार्य सम्पन्न नगर्ने निर्माण व्यवसायीलाई कालोसूचीमा राख्ने प्रकृया /२१ वटा निर्माण व्यवसायीहरुले म्याद समाप्त भएर ताकेता गर्दा पनि कार्य सम्पन्न नगरेकाले कालोसूचीमा राखिने ।

१३.(छिप्दैन कर्तुत)
समयमै मल नल्याउने दुई ठेकेदार कम्पनीलाई कारबाहीको बाटो खुल्यो/शैलुङ इन्टरप्राइजेज र होनिको मल्टिपल कम्पनीले ठेक्का सम्झौता रद्ध, धरौटी जफत र कालोसूची सिफारिस रोक्न गरेको माग उच्च अदालत पाटनद्वारा अस्वीकार ।

१४.(ग्रेडिङले ल्याएको खुशी)
नेपाल क्रिकेट संघद्वारा महिला क्रिकेटरलाई ग्रेडिङ गरेर १९ महिला खेलाडीलाई /पारिश्रमिक निर्धारणपछि खेलाडी उत्साहित/राष्ट्रिय टिमबाट खेलिरहेका क्रिकेटरहरु सम्झौतामा छुट्दा क्यानको आलोचना ।

र,

१५.(कोरोनाको आकार)
कोरोना महामारीबाट विश्वभर संक्रमित भएका करिब ३ करोड २१ लाख बढी मध्ये हालसम्म २ करोड ३७ लाख बढी निको भए /९ लाख ८२ हजार बढीको मृत्यु ।

विज्ञापन बक्स