नेपाल टाईम्स 
आजका प्रमुख खबरहरुः
१.(उखुबारीमा शव)
विराटनगर १२ बखरीको उखुबारीमा हत्या गरिएको अवस्थामा भेटिएकी महिला दुहवीकी सम्झना परियार खत्री रहेको पहिचान/घाँटीमा सलले बेरेर हत्या गरेको अवस्थामा युवतीको शव फेला परेको प्रहरीको भनाई ।
२.(मापसेपछि हत्या)
बिर्तामोडमा भारतीय नागरिक सुवान शेखको हत्या गरी परालको कुन्युमा शव जलाएको आरोपमा दुई जना पक्राउ /मादक पदार्थ सेवनपछि तीनै जनाबीच सामान्य विवादका क्रममा शेखको हत्या गरेको दुई युवकद्वारा स्वीकार ।
३.(नेताका लागि जोडबल)
बालुवाटारस्थित ललिता निवास जग्गा प्रकरणमा आफना नेता विजय गच्छदारविरुद्ध अख्तियारले दर्ता गरेको भष्टाचार मुद्दाको विरोधमा नेपाली कांग्रेसद्वारा संसद् बैठक पुनः अवरुद्ध /बैठक आइतबार बस्ने /कांग्रेसका उपनेता गच्छदारको सांसद पद गुम्यो ।
४.(आफ्नाको रक्षापंक्ति)
विजयकुमार गच्छदारलाई राजनीतिक पूर्वाग्रहपूर्ण तरिकाले अख्तियारले फसाएको भन्दै नेपाल विद्यार्थी संघद्वारा काठमाडौमा प्रदर्शन / नेकपा महासचिव विष्णु पौडेलका छोरा नविनलाई जोगाउने गलत नजिरले सस्थागत भ्रष्टाचारको दलदलमा फस्ने दाबी ।
५.(माधवको मन्त्र)
ललिता निवास जग्गा प्रकरणमा दोषी कसैले पनि उन्मुुक्ति पाउन नहुुने र कोहि निर्दोष मान्छे पनि पर्न नहुने नेकपाका वरिष्ठ नेता माधवकुुमार नेपालको भनाई /प्रकरणमा आफु दोषी नरहेको दावी ।
६.(सहयोगको हार्दिकता)
नोवल कोरोना भाइरससँग जुधिरहेको चीनलाई नेपाल सरकारद्वारा १ लाख थान प्रोटेक्टिभ मास्क सहयोग /नेपाल लगायत अन्तर्राष्ट्रिय समुदायबाट प्राप्त सहयोग र एकता चीनका लागि महत्वपूर्ण भएको चिनियाँ राजदूत होउ यान्छीको भनाई ।
७.(सार्कको सम्झना)
दक्षिण एशियाली क्षेत्रीय सहयोग संगठन (सार्क) यस क्षेत्रका जनताको साझा पहिचान भएको प्रधानमन्त्री केपी शर्मा ओलीको भनाई / पाकिस्तानमा हुने १९ औं सम्मेलनका लागि सबै सदस्य राष्ट्रहरुबीच सहमति जुट्ने विश्वास व्यक्त ।
८.(युवाको खबरदारी)
नगरप्रमुखको कार्यकक्षमा पत्रकारमाथि भएको दुब्र्यवहारको विषयलाई लिएर जनकपुरधाम उपमहानगरका कर्मचारीले गरेको ‘पेनडाउन’ को विरोधमा स्थानीय युवाहरुद्वारा विरोध प्रदर्शन /मेयर र उपमेयरसहित कर्मचारी युनियनका अध्यक्षको राजीनामा माग ।
९.(तपस्वी बेपत्ता)
एक अनुयायीको हत्या र तीन आनी बेपत्ता पारेको आरोप लागेका तपस्वी रामबहादुर बम्जन फरार / जिल्ला अदालत सर्लाहीको आदेश अनुसार बम्जनलाई पक्राउ गर्न सिन्धुलीस्थित आश्रममा पुगेको प्रहरीद्वारा चार गुरु नियन्त्रणमा ।
१०.(पसिनाको मूल्य)
सर्लाहीस्थित इन्दुशंकर चिनी उद्योगद्वारा किसानलाई यो सिजनमा क्रसिङ गरिएको उखुको भुक्तानी दिन सुरु/किसानलाई २२ करोड रुपैयाँ भुक्तानी गरिएको मिलको दाबी /गत वर्ष ८६ करोड रुपैयाँ अझै भुक्तानी दिन बाँकी ।
११.(अधिवक्ताको पारा)
राजस्व चुहावट प्रकरणमा नख्खु कारागारमा रहेका रमेश दाहाललाई भनसुनमा छुटाइदिन्छु भनी ४२ लाख घूस लिने अधिवक्ता टंकबहादुर राना मगर पक्राउ /अधिवक्ता रानाले दाहालका परिवारबाट ४२ लाख घूस लिएको आरोप ।
१२.(मानवअधिकारको खबरदारी)
जातिय तथा लैंङ्गीक विभेद अन्त्य गर्न राजनीतिक दलहरुको ध्यान जान नसकेको राष्ट्रिय मानव अधिकार आयोगका अध्यक्ष अनुपराज शर्माको भनाई /संसदमा प्रस्तुत विधेयकहरु अभिव्यक्ति स्वतन्त्रता कुण्ठित गर्ने र विरोधी स्वरहरु दबाउने उद्देश्यले आएको उल्ल्ेख ।
१३.(प्रविधिमैत्री भुक्तानी)
आधुनिक अर्थतन्त्रका लागि डिजिटल भुक्तानी प्रणाली आवश्यक रहेको अर्थमन्त्री डा. युवराज खतिवडाको भनाई /सरकारले कर तथा राजश्व भुक्तानीलाई पनि डिजिटलाइज गर्न लागेको उल्लेख ।
१४.(चम्कियो स्टार)
संकटा क्लबलाई १–० ले हराउँदै रुस्लान थ्री स्टार क्लब कतार एयरवेज सहिद स्मारक ए डिभिजन लिगको अंक तालिकाको तेस्रो स्थानमा उक्लियो /ब्रिगेड ब्वाईजलाई १–० पराजित गर्दे पुलिस पाँचौ स्थानमा उक्लियो ।
र,
१५. (चिकित्सकपनि बचेनन्)
कोरोना भाइरस संक्रमणको महामारीको पहिलो चेतावनी दिने चिनियाँ चिकित्सकको सोही भाइरसका कारण मृत्यु /भाइरसका कारण हालसम्म चीनमा ६ सय ३६ जनाको मृत्यु /३१ हजार भन्दाबढी संक्रमित ।
