देवकोटाको अन्तिम विदाई (फोटो फिचर)

0SHARES

५ असार २०७५ नेपाल टाईम्स

काठमाडौं, असार ५
दिवंगत वरिष्ठ नशारोग विशेषज्ञ प्रा.डा. उपेन्द्र देवकोटालाई सर्वसाधारणदेखि राजनीतिक दलका नेताहरुले अन्तिम विदाई गरेका छन । काठमाडौंको बाँसबारीस्थित न्यूरो अस्पताल प्रांगणमा राखिएको डा. देवकोटाको पार्थिव शरीररमा सर्वसाधारणदेखि राजनीतिक दलका नेताहरुले अन्तिम श्रद्धाञ्जली व्यक्त गरेका हुन ।

हिजोसाँझ सोही अस्पतालमा उपचारको क्रममा निधन भएका डा. देवकोटालाई श्रद्धाञ्जली दिन उपराष्ट्रपति नन्दबहादुर पुन, पूर्व प्रधानमन्त्री एवम् उहाँका विद्यालय तहका सहपाठी डा. बाबुराम भट्टराईसहित विभिन्न राजनीतिक दलका नेताहरु अस्पताल पुगेका थिए ।

स्वर्गीय देवकोटाको शरीरमा नेपाली ढाका टोपी लगाइएको छ । डा. देवकोटाको इच्छा अनुसार नै निधनपछि दौरा, सुरुवाल, ढाका टोपी र कोट लगाइएको हो ।

स्वर्गीय डा. देवकोटाको पार्थिक शरीरलाई केहीबेरपछि पशुपति आर्यघाटमा विद्युतीय माध्यामबाट शव दाह गरिनेछ । देवकोटा निवास हेपाली हाईटमा पत्नी डा. मधु देवकोटा तथा छोरीहरु मेघा, बसुधा र मञ्जरीले काजकीरिया गर्नेछन् ।

काजकीरिया ७ दिनमा सम्पन्न हुने अस्पतालले जनाएको छ । पित्तथैलीको क्यान्सरबाट पीडित डा. देवकोटा स्वदेशमै देहत्याग गर्ने इच्छा बमोजिम बेलायतबाट नेपाल फर्केका थिए ।

डा. देवकोटाकै इच्छा अनुसार गत हप्ता उनलाई गोर्खास्थित आफ्नो जन्मघरमा लगिएको थियो । स्वास्थ्य मन्त्री समेत भईसकेका स्वर्गीय डा. देवकोटा चर्चित नशारोग विशेषज्ञ थिए ।

विज्ञापन बक्स