२२ कात्तिक, एजेन्सी ।
अमेरिकी राष्ट्रपतिय चुनावमा भोट काउन्टिङ जारी छ । राष्ट्रपतिका उम्मेदवार जो बाइडन जित नजिक छन् । यता रिपब्लिकन पार्टीका उम्मेदवार एवं राष्ट्रपति डोनाल्ड ट्रम्पले परिणाम आउनुअघि आफूलाई विजेता घोषित नगर्न प्रतिद्वन्द्वी जो बाइडनलाई चेतावनी दिएका छन्।
केही समयअघि ट्वीट गर्दै उनले यस्तो चेतावनी दिएका हुन्। उनले भनेका छन्,‘बाइडेन राष्ट्रपतिमा गलत दाबी नगर। त्यस्तो दाबी म पनि गर्न सक्छु। कानुनी प्रक्रिया भर्खर सुरु भएको छ।’ ट्रम्पले बाइडनले विजयी भएको दाबी गर्न नहुने उल्लेख गर्दै कानुनी प्रक्रिया भर्खरै सुरु भएको जनाएका छन्।
यद्यपि ट्रम्पले मतगणना चल्दाचल्दै दुई पटक आफू विजयी भएको दाबी गरिसकेका थिए। जब कि त्यतिखेर सम्बन्धित क्षेत्रमा बाइडेनले अग्रता लिइरहेका थिए।
मतगणना र पर्यवेक्षकलाई रोक्नुपर्ने माग गर्दै ट्रम्प पक्ष अदालत पुगिसकेको छ। कैयौं महत्वपूर्ण राज्यमा मतगणना रोक्नुपर्ने ट्रम्प पक्षको माग छ।
