प्रदेश १ लाई साझा फुलबारीकोरुपमा विकास गरिने

0SHARES

५ चैत्र २०७४ नेपाल टाईम्स

विराटनगर, चैत ५
सामाजिक विकास मन्त्री जीवन घिमिरेले प्रदेश १ लाई साझा फुलबारीकोरुपमा विकास गरिने बताएका छन् । विराटनगर ३ स्थित श्री कृष्ण प्रणामी मन्दिरमा आयोजित पाठपरायण समारोह समापनको अवसरमा बोल्दै उनले प्रदेश १ विभिन्न भाषाभाषी,जाति र धर्मावलम्बीहरुको साझा बासस्थल रहेकाले सोहि विविधता अनुरुपको विकासको खाका ल्याइने बताए ।

मन्त्री घिमिरेले असार पछि प्रदेश सरकारले गति लिने जानकारी दिंदै अब बन्ने विभिन्न १५ वटा कानुनबाट निर्दिष्ट भएर विकासका कार्यक्रमहरुले गतिलिने बताए । कार्यक्रममा सहभागी कृष्ण प्रणामी धर्मसंग सम्बन्धी साधुसन्तहरुले सो मन्दिरको ब्यवस्थापनमा प्रदेश सरकारले विशेष ध्यान दिनुपर्ने माग गरेका थिए ।

श्रीकृष्ण प्रणामी मन्दिरको बार्षिकोत्सव र कृष्ण प्रणामी धर्मको चौथो सताब्दी पुरा हुनलागेको अवसरमा सोमबार सो मन्दिरमा निशुल्क आँखा शिविर र रक्तदान कार्यक्रम समेत आयोजना गरिएको छ ।

विज्ञापन बक्स