प्रधानमन्त्रीलाई प्रश्न गर्न नदिँदा संसदमा कांग्रेसको अवरोध

0SHARES

२२ पुष २०७५ नेपाल टाईम्स

काठमाडौँ, पुस २२
संसदमा सार्वजनिक वक्तव्य दिएका प्रधानमन्त्री केपी शर्मा ओलीलाई प्रश्न गर्न नदिएको भन्दै विपक्षी सांसदहरुले संसदमा हंगामा भएको छ । प्रधानमन्त्री ओलीसँग प्रश्नोत्तर गर्न पाउनुपर्ने माग गर्दै नेपाली कांग्रेसका सांसदहरुले संघीय संसदको प्रतिनिधिसभा बैठकमा नाराबाजी गरेका छन् ।

प्रधानमन्त्री ओलीले संसदमा सम्बोधन गरेलगत्तै कांग्रेस सांसदहरुले प्रश्नोत्तरको माग गर्दै आपत्ति जनाएपछि सभामुख कृष्णबहादुर महराले सिमित सांसदलाई प्रश्नोत्तरको समय दिएका थिए ।लगत्तै कांग्रेस सांसदहरु रोष्टम घेराउ गर्दै नाराबाजीमा उत्रिएका थिए ।

तर, कांग्रेस सांसदहरुले उक्त प्रस्ताव अस्वीकार गरेपछि सभामुख कृष्णबहादुर महराले शुन्य र विशेष समय रद्द गर्ने निर्णय गरेका थिए । प्रधानमन्त्री ओलीले रेल र पानीजहाजको विषयमा धैर्य हुन अनरोध गरेका छन् ।

आइतबार प्रतिनिधिसभाको बैठकलाई सम्बोधन गर्दै प्रधानमन्त्रीले रेल र पानीजहाजको काम अगाडि बढिसकेकाले यसमा धैर्य हुन अनरोध गरेका हुन् । कुल बैदेशिक सहायता बढ्नुका साथै उद्योगहरू, बैंकिङ क्षेत्रको कुल निक्षेप र नयाँ परियोजनाहरू पनि बढेको प्रधानमन्त्री ओलीले दाबी गरेका छन्।

विज्ञापन बक्स