प्रविधिको विकाससँगै नेपाली शब्दावलीहरु हराउँदै गए : मन्त्री घिमिरे

0SHARES

३ कार्तिक २०७७ नेपाल टाईम्स

३ कात्तिक,विराटनगर ।
प्रदेश १ का सामाजिक विकास मन्त्री जीवन घिमिरेले प्रविधिको विकाससँगै नेपाली शब्दावलीहरु हराउँदै गएको बताएका छन् । उनले नेपाली शब्दावली लोप हुनेतर्फ चिन्ता व्यक्त गरे। सामाजिक विकास मन्त्रालयद्धारा सोमबार आयोजित नेपाली भाषा : चुनौति र समाधान विषयक अनलाईन कार्यक्रममा मन्त्री घिमिरेले सो कुरा बताएका हुन् ।

उनले प्रविधि र विश्वव्यापीकरणका कारण भाषिक चुनौति थपिएको बताए । उनले भने,‘ कतिपय शब्दलाई स्वीकारर्नुपर्ने अवस्था पनि छ ।’ अंग्रेजीबाट सिकेको कुरा मात्र सहि हुन्छ भन्ने मान्यतालाई बदल्नुपर्नेमा उनले जोड दिए ।

सिकाई कुनैपनि भाषा र माध्यमबाट हुन सक्ने भन्दै मन्त्री घिमिरेले भने,‘ अंगे्रजी नै सवै कुरा होईन ।’ सिकाईका कुनैपनि माध्यमहरु हुन सक्छन् भन्ने बोध समाजलाई गराउनुपर्ने अवस्था आएको उनले बताए । नेपाली भाषाबाट काम गर्न सक्ने क्षेत्रहरुको पहिचान गरेर सच्याउन ध्यान दिनुपर्ने मन्त्री घिमिरेले बताए ।

कार्यक्रममा प्रा.डा. टंकप्रसाद न्यौपाने र डा. रमेश घिमिरेले नेपाली भाषा ः चुनौति र समाधान विषयमा कार्यपत्र प्रस्तुत गरेका थिए । कार्यपत्र माथि स्वदेश तथा विदेशमा रहेका नेपाली भाषाका विज्ञहरुले टिप्पणी गरेका थिए ।

विज्ञापन बक्स