फेसबुकमा फेक आईडी बनाएर ठगी गर्ने महिला पक्राउ

0SHARES

२० आश्विन २०७७ नेपाल टाईम्स

२० आश्विन, काठमाडौं ।
सामाजिक संजाल फेसबुकमा फेक आईडी बनाएर ठगी गर्ने एक महिलालाई महानगरीय अपराध महाशाखाको टोलिले पक्राउ गरेको छ ।

रुपन्देही जिल्ला सैनामैना नगरपालिका ११ सालझण्डी घरभई हाल काठमाडौको चन्द्रागिरी नगरपालिका गुर्जुधारा बस्ने ३१ बर्षीया सिता भुषाललाई ठगीको आरोपमा पक्राउ गरिएको महाशाखा प्रमुख दीपक थापाले बताए।

पक्राउ परेकी महिलाले ‘बेलायती नागरिक हुँ’ भन्दै डाक्टर जामोस सोनार, जेम्स एन्डी जस्ता नामको फेक आइडी बनाएर विभिन्न व्यक्तिलाई फ्रेन्ड रिक्वेस्ट पठाउँदै रकम ठगी गर्ने गरेको पाइएको छ ।

उनले एक व्यक्तिलाई बिहे गर्ने आश्वासन दिँदै जन्म दिनको अवसरमा सरप्राईज गिफ्टका रुपमा सुनको सिक्री, आईफोन र २० हजार डलर पठाएको छु भनि फोटो समेत पठाई प्रलोभनमा पारी लाखौं रकम ठगी गरेको उजुरी प्रहरीमा परेपछि भुसालको वास्तविकता खुलेको प्रमुख थापाले बताए।

यस सम्बन्धी थप अनुसन्धानका लागि महानगरीय प्रहरी परिसर काठमाडौं पठाइएको महाशाखाले जनाएको छ ।

विज्ञापन बक्स