बेपत्ता छोरी खाजिदिन आग्रह

0SHARES

२ चैत्र २०७४ नेपाल टाईम्स

इनरुवा, चैत २
तीन साता अघि बेपत्ता भएकी छोरीको अवस्था अज्ञात रहेको भन्दै पत्रकार सम्मेलन गरी बाबुले सहयोग गरिदिन सबैमा आग्रह गरेका छन् । १८ वर्षिया छोरीको अवस्था अज्ञात रहेको भन्दै सुनसरीको देवानगञ्जका प्रमोद मेहताले इनरुवामा पत्रकार सम्मेलन गरी सरोकारवाला समक्ष सहयोग मागेका हुन् ।

पीडित पक्षले आयोजना गरेको पत्रकार सम्मेलनमा वेपत्ता भएकी भनिएकी मनिताकुमारी यादवका बाबुले कप्तानगञ्जका शिवकुमार मेहताले परिवारको मिलेमतोमा छोरी वेपत्ता पारेको आरोप लगाएका छन् ।

घटनाबारे प्रहरीमा समेत उजुरी गरेको बताउने पीडित पक्षले प्रहरीबाट सहयोग नपाएको गुनासो गरेको छ । पीडित पक्षले छोरीलाई केटाको आफन्तको बसोबास रहेको भारतको पञ्जाब लगेको हुन सक्ने आशंका गरेको छ ।

केटा पक्षका आफन्तले छोरीका लागि १० लाख रकम दावी गरेको समेत पीडित पक्षको आरोप छ । पीडित परिवार प्रहरी समक्ष पुगेको जानकारी पाएपछि पीडक पक्षले मनिता बिरामी भै अस्पताल भर्ना रहेको र मृत्यु भएको जानकारी गराएकाले घटना थप रहस्यपूर्ण बनेको पीडितका आफन्तहरुको भनाई छ ।

उता सुनसरी प्रहरीले भने शिवकुमार र मनिताबिच प्रेम रहेको र दुवै भागेको जनाएको छ । घटना प्रेम सम्बन्धको भए पनि दुवै पक्षलाई झिकाएर परिवारलाई खोजीमा लाग्न भनेपनि प्रहरीको सूक्ष्म अनुसन्धान भने जारी रहेको जिल्ला प्रहरी कार्यालय सुनसरीका निमित्त प्रहरी प्रमुख नारायणप्रसाद चिमोरियाले बताए ।

विज्ञापन बक्स