मलेसियाका युवा तथा खेलकुद मन्त्री २५ वर्षीय सिद्दिक संसारकै कान्छा मन्त्री

0SHARES

१९ असार २०७५ नेपाल टाईम्स

विराटनगर ः मलेसियाको युवा तथा खेलकुद मन्त्रीमा २५ वर्षीय सइद सिद्धिक अब्दुल रहमान नियुक्त भएका छन् ।संसारका सबै भन्दा बढि उमेरका प्रधानमन्त्री ९३ वर्षीय मोहम्मद महाथिर नेतृत्वको सरकारमा युवा तथा खेलकुद मन्त्रालयको जिम्मेवारी पाएका रहमान संसारकै सबै भन्दा कान्छो उमेरका मन्त्री भएका छन् ।

भ्रष्टाचार बिरोध अभियान सञ्चालन गरेर पुनः मलेसियाको सत्तामा आएका महाथिरले युवा मन्त्रालयको जिम्मेवारी युवालाई सुम्पेका हुन् । महाथिरलाई आधुनिक र समृद्ध मलेसियाको डिजाईनरका रुपमा लिइन्छ । महाथिरकै नेतृत्वमा मलेसियाले राजनीतिक स्थायीत्व तथा विकास र समृद्धिको बाटो समातेको थियो ।

एसियन ब्रिटिस संसदबारे आयोजना गरिएको वादविवाद प्रतियोगीतामा एसियाका तर्फबाट ३ पटक उत्कृष्ठ वक्ताको पुरस्कार प्राप्त गरेका सिद्धिकी महाथिरको पार्टीको युवा संगठन प्रमुखको जिम्मेवारीमा थिए ।यस अघि खैरी जमालुद्धिनदलाई कान्छा मन्त्री मानिँदै आएको थियो । जमालुद्धि ३७ बर्षको उमेरमा मन्त्री बनेका थिए ।

विज्ञापन बक्स