माछाको प्याकेटको बाहिरी सतहमा जीवित कोरोना भेटियो

0SHARES

२ कार्तिक २०७७ नेपाल टाईम्स

२ कार्तिक, एजेन्सी ।
चीनको स्वास्थ विभागले फ्रोजन समुन्द्री माछाको प्याकेटको बाहिरी सतहमा जीवित कोरोना भाइरस भेटिएको पुष्टि गरेको छ ।

क्विंगदाओ बन्दरगाह शहरमा आयातित प्याकेटमा कोरोना भेटिएपछि वैज्ञानिकहरु चिन्तित छन् । शनिबार चीनको रोग रोकथाम तथा नियन्त्रण केन्द्र (सिडिसी) ले विज्ञप्ति जारी गर्दै फ्रोजन खाद्य प्याकेटको बाहिरी सतहमा जीवित अवस्थामा कोरोना भेटिएको यो पहिलो घटना रहेको जनाएको छ ।

गत जुलाईमा प्याकेट र कन्टेनरका भित्री हिस्सामा कोरोना भाइरस भेटिएपछि चीनले केही समयका लागि प्याक गरिएका समुन्द्री खानाको आयातमा रोक लगाएको थियो ।

सिडिसीका अनुसार अहिले भने आयातित माछाको प्याकेटमा बाहिरै जीवित भाइरस भेटिएको हो । यसबाट कोरोना भाइरसका संक्रमितले कुनै प्याकेटको सम्पर्कमा आएपछि संक्रमण फैलाउनसक्ने साबित भएको वैज्ञानिकहरु बताउँछन् ।

यद्यपी, कुन देशबाट यो प्याकेट आएको हो भन्ने विषय चीनले खुलाएको छैन ।

विज्ञापन बक्स