मुख्यमन्त्री शेरधन राईविरुद्व दर्ता भएको अंश मुद्दा फिर्ता

0SHARES

१ आश्विन २०७७ नेपाल टाईम्स

१ असोज, काठमाडौं ।
प्रदेश १ का मुख्यमन्त्री शेरधन राईले आफूमाथि यौन दुव्र्यवहार गरेको र लिभिङ टुगेदरमा राखेर छाडेको भन्दै अंश दाबीसहित दोलखाकी बालिका खड्काले काठमाडौं जिल्ला अदालतमा दर्ता गरेको मुद्दा फिर्ता लिएकी छन् । अंश माग गर्न कसैको दुरुत्साहनमा परी मुद्दा दायर गरेको भन्दै मुद्दाको पक्ष रहेकी बालिका खड्काले फिरादपत्र फिर्ता लिएकी हुन्।

खड्काले फिरादपत्रमा आफू राईकी पत्नी रहेको दाबीसहित नाता कायम गरी अंश माग गरेकी थिइन्। वालिकाले बुधबार काठमाडौं जिल्ला अदालतमा निवेदन र मुद्दा फिर्ताको कागज गरी बुझाएपछि जिल्ला अदालत काठमाडौंले राई विरुद्ध लागेको अंश मुद्दा खारेज गरी लगत कट्टा गरेको छ ।

राईसँग अंश माग गर्न पतिपत्नीको नाता कायम भएको वा हुन सक्ने कुनै आधार प्रमाण नभएको तथा त्यस्तो कुनै सम्बन्धसमेत नरहेको दाबी खड्काको निवेदनमा छ। खड्काले आफू अरुको उक्साहटमा परेर मुद्दा हालेको बताउँदै निवेदनमा गल्ती स्वीकार गरेकी छन्। यसरी मुद्दा फिर्ता लिएपछि कतै उजुरबाजुर नलाग्ने कानुनी व्यवस्था छ।

मुख्यमन्त्री राईविरुद्ध मुद्दा लगाउने खड्का पनि नेकपाकै कार्यकर्ता हुन् । उनले नेकपा नेता कृपासुर शेर्पाको उक्साहटमा आफूविरुद्ध मुद्दा हालेको भन्दै शेरधनले तत्कालीन एमालेका अध्यक्ष केपी ओलीसमक्ष निवेदन दिएका थिए । तर, पार्टीले आफूलाई न्याय नदिएको शेरधनले गुनासो गर्दै आएका थिए । राईले खड्काविरुद्ध तत्कालीन आइजीपी सर्वेन्द्र खनालसमक्ष पनि उजुरी गरेपनि प्रहरीले यसबारे छानविन प्रक्रिया अघि नबढाएको गुनासो राईको थियो ।

विज्ञापन बक्स