योगेश भट्टराई भन्छन् – ‘एमाले एकताका बाधक ओली, खनाल र नेपाल’

653SHARES

२६ जेठ, काठमाडौँ ।

नेकपा एमालेका नेता योगेश भट्टराईले पार्टी एकताको समस्याको मुल जड अध्यक्षदेखि वरिष्ठ नेताको प्रवृत्ति रहेको बताएका छन् ।

बुधबार सामाजिक सञ्जालमार्फत भट्टराईले अध्यक्ष केपी शर्मा ओली र बरिष्ठ नेताद्वय झलनाथ खनाल र माधवकुमार नेपालबीच छलफल र सहकार्य नहुनु नै एमालेभित्र एकता कायम हुन नसक्नुको प्रमुख कारण भएको टिप्पणी गरेका हुन् ।

‘एमालेको एकताको मुल जड ? कमरेड केपी ओली आफ्नै पार्टीका बरिस्ठ नेता कमरेड जे एन खनाल र कमरेड माधव नेपालसँग सहकार्य गर्न तयार नहुने तर महन्त ठाकुर र राजेन्द्र महतोसँग सत्ता साझेदारी र अन्य बिषयमा गठबन्धन गर्न तयार हुने ।

’ उनले भनेका छन्, ‘कमरेड जे एन खनाल र माधव नेपाल आफ्नै पार्टीका अध्यक्ष कमरेड केपी ओलीसँग मिल्न तयार नहुने तर शेर बहादुर देउपा, प्रचण्ड र उपेन्द्रसँग सत्ता साझेदारी र अन्य बिषयमा गठबन्धन गर्न तयार हुने । कस्ले, किन र के कालागि गर्दैछ यो सब ? एमाले एकताको समस्याको मुल जड यहिं छ ।’

यसका लागि नेताहरू गम्भीर रूपमा छलफल गर्नुपर्ने र साझा निष्कर्षका साथ अभियानमार्फत् एकता बचाउन जरूरी रहेको भट्टराईको भनाई छ ।

छुटाउनुभयो कि?

सम्पूर्ण