राजधानी माग गर्दै मोरङ मुस्लिम समाजद्धारा प्रधानमन्त्रीलाइ ज्ञापनपत्र

0SHARES

१७ पुष २०७४ नेपाल टाईम्स

किशोर विश्वकर्मा
विराटनगर, पुष १७
विराटनगरलाई १ नं. प्रदेशको राजधानी बनाइनुपर्ने माग गर्दै मोरङ मुस्लिम समाजले प्रधानमन्त्रीलाई ज्ञापनपत्र पठाएको छ । समाजले १ नं. प्रदेशको राजधानी विराटनगरलाई बनाइनुपर्ने माग गर्दै आज मोरङका प्रमुख जिल्ला अधिकारी रामप्रसाद आचार्य मार्फत प्रधानमन्त्रीलाई ज्ञापन पत्र बुझाएको हो ।

ज्ञापनपत्र बुझ्दै प्रमुख जिल्ला अधिकारी आचार्यले मोरङ मुस्लिम समाजले बुझाएको ज्ञापनपत्र सम्वन्धीत निकायमा पुर्याइने प्रतिवद्धता जनाए ।

समाजले विराटनगर राजनितिक, सामाजिक, ऐतिहासिक तथा आर्थिक रुपले अब्बल भएकाले राजधानी बन्ने पहिलो हक विराटनगर भएकाले तत्काल राजधानी तोकिनुपर्ने बताएको छ ।

मोरङ मुस्लिम समाजका प्रवक्ता वसिम आलमले विराटनगरलाई प्रदेशको राजधानी बनाउन दवाव सृजना गर्ने उदेश्यले चरणवद्ध आन्दोलनका कार्यक्रमहरु समेत घोषणा गरिएको बताए ।

उनले अनुसार आफ्ना माग वेवास्ता गरिए आगामि पुष १८ गते विराटनगर स्थित गुदरी बि प्लटमा २४ घण्टे रिले अनसन बस्ने, २१ ग्ते विशाल जुलुस प्रदर्शन गर्ने र अन्य दवाव मुलक आन्दोलनका थप कार्यक्रमहरु तय गरिने बताए ।

विज्ञापन बक्स