राजविराजमा गर्भवती महिलाको हत्या

0SHARES

२ असार २०७५ नेपाल टाईम्स

विराटनगर,असार२

राजविराज नगरपालिका १५ मा एक जना गर्भवती महिलाको हत्या गरी फ्यालिएको अवस्थामा शव फेला परेको छ । गर्भवती महिलाको ४÷५ दिनअघि नै हत्या भएको प्रहरीको अनुमान छ ।

राजविराज नगरपालिका १५ मुसहर्नियाकी १७ वर्षीया वेचनीकुमारी साहको शव ट्वाइलेटको रिङ्गले छोपिएको अवस्थामा आज फेला परेको प्रहरी नायव उपरिक्षक भोवेश रिमालले जानकारी दिए ।

शव कुहिएर टोलभरी दुर्गन्ध फैलिएपछि घटना बारे खुलासा भएको जिल्ला प्रहरी कार्यालय सप्तरीले जनाएको छ । प्रहरीले घटनास्थलको मुचुल्का तयार गरी शव परिक्षणका लागि राजविराजस्थित गजेन्द्रनारायण सिंह सगरमाथा अञ्चल अस्पताल ल्याएको छ ।

यता मृतकका पति ३५ वर्षीय सुजकुमार साह डेढ वर्षीया छोरी प्रतिमालाई लिएर वेपत्ता भएका छन । यसैबीच पतिले नै हत्या गरेको मृतक बेचनीका माईती पक्षले आरोप लगाएका छन ।

यसअघि दुई दिन अघि मात्र राजविराज नगरपालिका ९ स्थित मलेठमा ससुराली आएका एक युवकको ससुरा र श्रीमतीले कुटपिट गरी हत्या गरेका थिए ।

विज्ञापन बक्स