विराटनगरका चार क्रिकेटर डिपिएलमा

0SHARES

११ फाल्गुन २०७४ नेपाल टाईम्स

विराटनगर÷ सर्वाधिक पुरस्कार रासीको धनगडी प्रिमियर लिग(डिपिएल)मा विराटनगरका चार जना खेलाडीले सहभागिता जनाउने भएका छन् । विराटनगरबाट क्रिकेट खेल्दै आएका क्रिकेटरले तीनवटा क्लवबाट खेल्ने अवसर पाएका हुन् ।

बुधवार सम्पन्न डिपिएल अक्सनमा विराटनगरका ललित राजवंशी, सिदान्त लोहनी, पुष्प थापा र फिरतोस अन्सारी छनोट भएका हुन् ।

क्रिकेटर सिदान्त लोहनी रुपन्देही च्यालेन्जरकालागि एक लाख रुपैयामा बिक्री भएका छन् । उनी नेपालका राष्ट्रिय खेलाडी हुन् । जिम्बावेमा अर्काे महिना हुने वल्डकप क्वालीफायर खेल्ने खेलाडीको सूचिमा अटाएका ललितनारायण राजवंशी पनि एक लाखमा बिक्री भएका छन् । उनलाई काठमाडौं गोल्डेनले किनेको छ ।

त्यस्तै विराटनगर कै पुष्प थापा पनी काठमाडौं गोल्डेनबाट खेल्ने भएका छन् । उनलाई गोल्डेनले ५५ हजारमा खरिद गरेको हो । विराटनगर घर भएका फिरदोस अन्सारीले मात्र विराटनगरको प्रतिनिधित्व गर्ने विराटनगर किंङ्सबाट खेल्न पाउने छन् । उनलाई विराटनगरले २५ हजारमा किनेको थियो ।

आगामी चैत १७ गते देखि हुने प्रतियोगितामा बसन्त रेग्मी करण केसी, अरिफ सेख र सागर पुन मह“गा खेलाडी भए । उनीहरुको एकलाख ५० हजार दरले क्लवमा अनुबन्धन भए । वसन्तलाई विराटनगर किंग्स, करण र आरिफलाई महेन्द्रनगर युनाइटेड र सागर पुनलाई रुपेन्देही च्यालेन्जर्सले खरिद गरेको हो ।

विराटनगर किङ्सबाट डिपिएलमा को को छानिए ?

विराटनगर÷ चैत १७ गतेदेखि आयोजना हुने धनगडी प्रिमियर लिगका लागि विराटनगर किङ्सले ९ लाख ९५ हजार खर्च गरेर १२ जना खेलाडी भित्रियाएको छ । नेपाली राष्ट्रिय टोलीका कप्तान पारस थापाले नेतृत्व गरेको विराटनगर किंङ्सले महङ्गो मूल्यमा बसन्त रेग्मी र पृथु बास्कोटालाई भित्रियाएको छ । रेग्मीलाई एक लाख ५० हजारमा भित्रिएको विराटनगरले बास्कोटालई एक लाख २० हजारमा भित्रियाएको हो ।

त्यस्तै पवन सराफ, रामनरेश गिरी, सौरभ खनाल, दिलिप थान र अनिलकुमार साहलाई समान एक एक लाखमा भित्रियाएको छ । मन्जीत श्रेष्ठलाई ७५ हजारमा भित्रियाएको विराटनगरले पूरुन बिक, अभिनास बोहरालाई ५०÷५० हजारमा अनुबन्ध गराएको छ । सुवोध ऐर र फिरतोस अन्सारी २५ हजारमा विराटनगरकालागि छनोट भएका छन् ।

विज्ञापन बक्स