विराटनगरमा हुने साफ महिला च्याम्पियनसिपको तयारी अन्तिम चरणमा(भिडियो रिपोर्टसहित)

602SHARES

विराटनगर, फागुन १९
नेपालमै पहिलोपटक काठमाडौं बाहिर विराटनगरमा हुने पाँचौं साफ महिला च्याम्पियनसिप फुटबल प्रतियोगिताको तयारी अन्तिम चरणमा पुगेको छ । प्रतियोगितालाई लक्षित गरि मुख्य खेलमैदान, प्रशिक्षण र अभ्यास खेल मैदानको स्तरोन्नति तथा व्यवस्थापनलगायत तयारीहरु अन्तिम चरणमा पुगेको हो ।

दक्षिण एसियाली फुटबल महासंघ र अखिल नेपाल फुटबल संघको संयुक्त आयोजनामा फागुन २८ देखि विराटनगरको सहिद रंगशालामा सुरु हुन लागेको साफ च्याम्पियनसिप फुटबल प्रतियोगिताको सम्पूर्ण तयारी अन्तिम चरणमा पुगेको हो । प्रतियोगितालाई लक्षित गरि मुख्य खेलमैदान, प्रशिक्षण र अभ्यास खेल मैदानको स्तरोन्नती तथा व्यवस्थापन लगायत तयारीहरु लगभग पूरा भईसकेका छन् ।

रंगशालाको दक्षिण, पश्चिम, गोश्वरा रोड, जेनियल रोड, डिएसपी मार्गसहित साफ च्याम्पियनसीपकालागि महानगरले जिम्मा लिएका सडकहरुलाई कसरी ब्यबस्थित गर्ने र प्रतियोगितामा क–कसले कस्तो भुमिका निभाउने भन्ने बारेमा सरोकारवालाबीच पनि निरन्तर छलफल हुदै आएको महानगरले जनाएको छ । विराटनगरमा साफ च्याम्पियनसिप हुनु अत्यन्तै गौरवको विषय भएको बताउँदै विराटनगर महानगरपालिकाका प्रबक्ता राजेन्द्र प्रधानले तयारी ब्यबस्थापनमा महानगरपालिका तीव्र रुपले लागि परेको बताए ।

साफ च्याम्पियनसिपमा आउने खेलाडी र पदाधिकारी बस्ने होटलको समेत व्यवस्था गरिसकिएको छ । खेलाडीलाई रत्ना, जेनियल र स्टन स्टार होलटमा र पदाधिकारी तथा अफिसियलहरुका लागि बिग होटलको व्यवस्था गरिएको जनाईएको छ । त्यस्तै खेलाडीकालागि अभ्यास गर्न जुट मिलको मैदान, डिपिएस स्कुलको मैदान र सुनसरी दुहवीको खेल मैदानको व्यवस्था गरिएको छ । प्रतियोगिताका लागि विराटनगर महानगरपालिकाले १ करोड र प्रदेश नं १ ले ५० लाख रुपैयाँ सहयोग गरेको एन्फाले जनाएको छ ।

मोफसलमै पहिलो पटक ठूलो प्रतियोगिता हुन लागेको र प्रतियोगिता भव्यरुपले सफल हुने बताउँदै अखिल नेपाल फुटबल महासंघका सहायक महासचिव बसन्त अर्यालले साफ च्याम्पियनसिपका लागि महानगरपालिका र प्रदेश सरकारले सक्दो सहयोग गरेको बताए ।चैत ८ सम्म सञ्चालन हुने प्रतियोगितामा आयोजक नेपालसहित भारत, बंगलादेश, भुटान, श्रीलंका, र मालदिभ्सको सहभागिता रहने छ ।

अफगानिस्तान बाहेक सार्क मुलुकका ७ वटा देशले भाग लिने बताइए पनि पाकिस्तानले अन्तिम समयमा आएर सहभागि नहुने जनाएको थियो । प्रतियोगिताको समूह ‘ए’ मा नेपाल, भुटान र बंगलादेश छन् भने समूह ‘बी’ मा भारत, श्रीलंका र मालदिभ्स छन । प्रतियोगिताको उद्घाटन खेल फागुन २८ गते नेपाल र भुटान बीच हुने एन्फाले जनाएको छ । प्रतियोगितामा अन्तर्राष्ट्रियस्तरबाट ३ सयभन्दा बढी प्रतिनिधि, खेलाडी तथा खेल प्रशंसकको प्रत्यक्ष उपस्थिति रहने बताइएको छ ।

छुटाउनुभयो कि?

सम्पूर्ण