विराटनगर महानगरपालिकाका काज शिक्षक आन्दोलित

0SHARES

२२ आश्विन २०७५ नेपाल टाईम्स

साउन महिनादेखि तलब नपाएका काज शिक्षकहरु आन्दोलित भएका छन् ।

नेपाल शिक्षक महासंघ सहित शिक्षक सम्बद्ध संघ–संगठनहरुको आईतबार बिराटनगरमा बसेको संयुक्त बैठकले आन्दोलनका कार्यक्रमहरु घोषणा गरेको हो ।, यो समाचार आजको उद्घोष दैनिकमा छापिएको छ ।

शिक्षकहरुले विराटनगर महानगरपालिका र शिक्षा विकास तथा समन्वय एकाई मोरङमा चार महिनादेखि तलब सुविधा नपाएको भन्दै ध्यानाकर्षण गराएपनि सुनुवाई नभएपछि आन्दोलनमा उत्रिएका हुन् ।

विराटनगर महानगरपालिकाका सामुदायिक विद्यालयमा काजमा कार्यरत १९ जना शिक्षक शिक्षिकाहरुले तलब सुविधा पाएका छैनन् ।

नेपाल शिक्षक महासंघ विराटनगर नगरसमितिका अध्यक्ष वेदकुमार खतिवडाको संयोजकत्वमा गठित आन्दोलन संयोजन समितीले सोमबार शिक्षा विकास तथा समन्वय ईकाईमा तालाबन्दी गर्ने घोषणा गरेको छ ।

तालाबन्दीपछि मंगलबारसम्म विराटनगर महानगरपालिकामा धर्ना बस्ने र उक्त दिनसम्म पनि तलब निकासा प्रक्रिया अघि नबढाईए बुधबारदेखि महानगरपालिकामा अनिश्चितकालिन घेराउ गर्ने संघर्ष समितीले जनाएको छ ।

विज्ञापन बक्स