२२ असोज, काठमाडौं ।
तेस्रो साफ यू १५ महिला च्याम्पियनसिप अन्तर्गत आफ्नो पहिलो खेलमा नेपालले बुधबार भारतको सामना गर्दैछ।
थिम्पुमा हुने यो खेल आज अपरान्ह ३ बजे सुरु हुने छ। बंगलादेश र भारत प्रतियोगिताका अघिल्ला दुई संस्करणमा विजेता बनेका थिए।
बंगलादेशले पहिलो र भारतले दोस्रो संस्करण जितेको हो। राउन्ड रोबिन लिगपछि शीर्ष दुई टोली उपाधिका लागि भिड्नेछन्।
प्रतियोगितामा बंगलादेश र भुटानसहित चार टोली सहभागी छन्।
