एजेन्सी, माघ २३
मौफसलमै एकदमै ठुलो खेल मानिने रियल मड्रिड र बार्सिलोनाको खेल जसलाई ‘इएल क्लासिको’ भनिने गरिन्छ उक्त खेल आज राति हुने खेल मध्येको एक ठुलो खेल रहेको छ । स्पेनिस कोपा डेल रे फुटबलमा आज सेमिफाइनलअन्तर्गत पहिलो लेगको खेल बार्सिलोनाको आफ्नो घरेलु मैदान क्याम्प नौमा नेपाली समय अनुसार रातीको १:४५ बजे हुने छ ।
विश्वमै सबैभन्दा बढी हेरिने क्लब फुटबल प्रतियोगितामा पर्ने उक्त खेलले कुन टोलीलाई कोप-डेल-रेको फाईनलमा प्रवेश गराउछ भन्ने बिषयमा केहि निस्कर्ष दिनेछ । आजको खेलमा बार्सिलोनाका कप्तान लिओनल मेस्सीले खेल्ने–नखेल्ने टुंगो लागिसकेको छैन । बार्सिलोनाका प्रशिक्षक अर्नेस्टो भाल्भर्डेले मेस्सीबारे अन्तिम समयमा मात्रै आफूले निर्णय लिने बताएका छन् ।
यता, रियल भने यो सिजनको सुरुमा खराब अवस्थामा रहे पनि पछिल्लो समय ऊ आफ्नो लयमा छ । उसले लिगका पछिल्ला ५ खेलमा लगातार जित दर्ता गरेको छ । तसर्थ, रियलले आज बार्सिलोनाविरुद्ध उत्रिँदा पनि सोही लय समाते खेल निकै रोमाञ्चक हुनेछ ।
खेल बार्सिलोनाको घरेलु मैदानमा हुने भएकाले घरेलु समर्थनमा रियल मड्रिडलाई केहि दबाब पर्न सक्छ तर यो खेलमा रियल मड्रिडले जीत निकाल्न सके अर्को लेगमा रियललाइ केहि सहज हुने छ ।
रियलको टोलीमा करिम बेन्जिमा, ग्यारेथ बेल र भिनिसियस जुनियरली सुरुवात गर्न सक्ने अनुमान गरिएको छ ।
