हतियार लुकाएको आरोपमा एक युवक पक्राउ

0SHARES

१३ कार्तिक २०७७ नेपाल टाईम्स

१३ कात्तिक, सुनसरी ।
सुनसरी भोक्राहा नरसिंह गाँउपालिका ७ बाट हतियार लुकाई राखेको आरोपमा एक जना पक्राउ परेका छन् । पक्राउ पर्नेमा सोही स्थान बस्ने २३ बर्षीय टुमा सिंह यादव रहेका छन् ।

यादबले आफ्नो घरमा हतियार लुकाई राख्ने र स्थानीय मानिसहरुलाई ज्यान मार्ने धाकधम्की समेत दिने गरेको विशेष सुराकीका आधारमा जिल्ला प्रहरी कार्यालय सुनसरीबाट खटिएको प्रहरी टोलीले उनलाई नियन्त्रणमा लिएको थियो।

यादवलाई नियन्त्रणमा लिए सँगै उनको घर कम्पाउण्डमा खान तलासी गर्ने क्रममा शौचालयको सेफ्टी ट्याङकीको छेउमा कालो प्लाष्टिकको झोला भित्र लुकाई छिपाई राखेको अवस्थामा 7.657 मेड इन इन्डिया लेखिएको पेस्तोल एक थान र २ राउण्ड गोली लोड गरिएको म्याग्जीन एक थानसमेत फेलापारी बरामद गरिएको जिल्ला प्रहरी कार्यालय सुनसरीले जनाएको छ ।

पक्राउ परेका यादवमाथि हातहतियार खरखजना मुद्दामा कानुनी कारबाही अगाडी बढाईएको सुनसरी प्रहरीले जनाएको छ।

विज्ञापन बक्स