‘हामी स्पष्टीकरण दिँन्नौ, कुर्सीका लागि राष्ट्रिय अस्मितामा सम्झौता गर्ने ओलीले स्पष्टीकरण दिनुपर्छ’

326SHARES

१० जेठ, काठमाडौं ।

नेकपा एमालेका नेता भीम रावलले आफूहरूलाई सोधेको स्पष्टीकरणको जवाफ नदिने बताएका छन्। प्रधानमन्त्री केपी ओली पार्टीको वैधानिक अध्यक्ष नभएकाले स्पष्टीकरणको जवाफ नदिने बताएका हुन् ।

सिंहदरबारमा भएको पत्रकार सम्मेलनमा नेता रावलले बालुवाटारमा बसेर ओलीले मनपरी निर्णय गरेको बताए ।

यसअघि वरिष्ठ नेता झलनाथ खनाल र माधवकुमार नेपाल पक्षधर स्थायी कमिटी सदस्यको बैठकले पनि स्पष्टीकरण नदिने निर्णय गरिसकेको छ । प्रधानमन्त्री ओलीले वरिष्ठ नेता झलनाथ खनाल, माधवकुमार नेपाल,भीम रावलसहित ११ जना सांसदलाई स्पष्टीकरण सोधेका थिए ।

नेता रावलले कुर्सीकै लागि राष्ट्रिय अस्मितासँग सम्झौता गरेको आरोप लगाएका छन् ।

‘प्रधानमन्त्री ओलीले निर्लज्ज भएर राष्ट्रको अस्मिता स्वतन्त्रतासँग जोडिएको विषयलाई आफ्नो कुर्सीसँग सम्झौता गर्नुभयो र महन्थ राजेन्द्रसँग आत्मसमर्पण गरेर नागरिकता अध्यादेश जारी गर्नुभयो, कुर्सीकै लागि राष्ट्रिय अस्मितासँग सम्झौता गर्ने उहाँलाई सम्पूर्ण नेपाली जनताले स्पष्टीकरण लिनुपर्ने अवस्था छ ।’ रावलले भने ।

पार्टी एकताका लागि धेरै प्रयास गर्दा पनि ओलीले गम्भीरता नदेखाएको रावलको भनाई छ । ‘हामीले पार्टी एकताका लागि धेरै प्रयास गरेको हो। तर उहाँले कहिल्यै पनि गम्भीरता देखाउनु भएन। कार्यदलको पहिलो बैठक सकारात्मक भए पनि त्यसपछि हुन सकेको छैन ।’

ओलीले आफूले गरेका गलत काम सच्याउनु पर्ने र आत्मालोचना गर्नुपर्ने उनको भनाइ छ ।

छुटाउनुभयो कि?

सम्पूर्ण