२ वर्षदेखि आफ्ना बुवा लगायत ३० जनाबाट बलात्कृत हुँदै आएको घटना सार्वजनिक

0SHARES

८ आश्विन २०७६ नेपाल टाईम्स

८ असोज,भारत  १२ वर्षीया बालिका विगत २ वर्षदेखि आफ्ना बुवा लगायत ३० जनाबाट बलात्कृत हुँदै आएको घटना सार्वजनिक भएको छ । कक्षा ७ मा पढ्ने ती बालिकालाई आफ्नै बुवाले विगत २ वर्षयता घरमै बलात्कार गर्ने र गराउने गरेका थिए ।

भारतको केरालामा पर्ने मलाप्पुरमा यो घटना सार्वजनि भएको हो । स्थानीयले अभिभावक शिक्षक संघलाई खबर गरेपछि स्कुलबाट समेत बालिकाले कक्षा छोड्दै आएको थाहा भएको थियो । बालिकालाई बालअधिकारीहरु समक्ष पेश गरेपछि बालिकाले यौन उत्पीडनको भयानक विवरणहरू बताएको जनाइएको छ ।

तिरुरंगडी प्रहरीले ती बालिकाका बुवाला र अन्य व्यक्तिविरुद्ध मुद्दा दायर गरी घटनाबारे थप अनुसन्धान गरिरहेको छ । भाडाको घरमा बस्दै आएका परिवारको एकमात्र बच्चाको रुपमा ती बालिका रहेकी थिइन् ।

उनीहरुको घरमा धेरै मान्छेहरु आवतजावत गरिरहने एवं बिदाका दिनमा झन मान्छे हुने गरेको स्थानीयले प्रहरीलाई बताएका छन् । बुवाले दिने गरेको तनाबका कारण उनले धेरै दिन स्कुल समेत नजाने गरेको इन्डिया टाइम्सले समेत जनाएको छ । एजेन्सी

विज्ञापन बक्स