विराटनगर, बैशाख २८ ः एक नम्बर प्रदेश प्रहरी कार्यालय विराटनगरले महिला तथा बालबालिका माथि हुने हिंसा बिरुद्ध सचेतनामूलक कार्यक्रम गरेको छ ।
प्रहरीले मोरङको विराटनगर महानगरपालिका –१५ रानीमा विहीबार उक्त एक दिने कार्यक्रम सम्पन्न गरेको हो ।
कार्यक्रममा स्थानियलाई घरेलु हिंसा, महिला हिंसा, लैङ्गिक असमानता, बाल विवाह , बह–विवाह , जबरजस्ती करणी तथा त्यस सम्बन्धी कानुनी प्रकृया र नेपाल प्रहरीको भूमिकाको विषयमा जानकारी दिएको प्रहरी नायब निरिक्षक कृष्ण कुमारी अधिकारीले बताइन्।
विहान ११ बजेबाट सुरु भएको उक्त कार्यक्रममा करिब ६५ जनाको उपस्थिती रहेको थियो ।
।
