विराटनगर — नेपाली राष्ट्रिय फुटबल टोलीका पूर्व खेलाडी मणी विक्रम शाहको अस्वस्थताका कारण निधन भएको छ ।
नेपाली म्याराडोनाको रुपमा चर्चित फुटबल खेलाडी शाहको सोमबार साँझ निधन भएको हो ।
नर्भिक अस्पतालमा उपचाररत शाहलाई आज बिहान ५ बजेदेखि भेन्टिलेटरमा राखिएको र साँझ १७ः४२ बजे चिकित्सकले मृत घोषणा गरेको अखिल नेपाल फुटबल संघ (एन्फा) का मानार्थ उपाध्यक्ष शिक्षित पारजुलीले बताए ।
सन् १९९३ को दक्षिण एसियाली खेलकुदमा नेपालले स्वर्णपदक जित्दाका प्लेमेकर रहेका ५१ वर्षीय शाहको केही वर्षअघि लिभरमा समस्या देखिएको थिया े।
त्यसैले उनी पटक–पटक उपचारका लागि अस्पताल धाउने गरेका थिए। हल्का ज्वरो आएपछि आइतबार उनलाई नर्भिक अस्पताल भर्ना गरिएको थियो। डा.सुधांशु केसी र जेन्टलसुन्दर श्रेष्ठले उनको उपचार गरिरहेका थिए।
मनाङमस्र्याङदी क्लबका पूर्वखेलाडी शाहको पार्थिव शरीरलाई श्रद्धान्जलीका लागि मंगलबार दशरथ रंगशाला परिसरमा बिहान १० बजेदेखि १२ सम्म राखिने र त्यसपछि आर्यघाट लगिने एन्फाले जनाएको छ।
उनको उपचारको सम्पूर्ण खर्च एन्फाले बेहोरिरहेको छ।
