१५ कार्तिक, पर्सा ।
नेपाल कम्युनिस्ट पार्टी (नेकपा)का पूर्वसांसद राजकुमार गुप्ता पर्सा जिल्लाबाट फरार भएका छन् ।
नेकपा पर्साको बिन्दबासिनी गाउँपालिका समितिका सचिव मुकेश चौरसिया हत्याको मुख्य आरोपीको रुपमा मुद्दा दर्ता भएसँगै गुप्ता फरार भएका हुन् । चौरसियाको परिवारले गुप्ताकै योजनामा सो घटना घटाइएको भन्दै उनीसहित १२ जनाविरुद्ध बिहीबार मुद्दा दर्ता गराएको थियो ।
कात्तिक ६ गते नेकपाको बिन्दबासिनी गाउँपालिकामा भएको शपथग्रहण कार्यक्रममा पार्टीकै दुई समूहबीच झडप हुँदा गम्भीर घाइते भएका चौरसियाको उपचारको क्रममा मृत्यु भएको थियो ।
यता, गुप्ताको घरबाट पक्राउ परेका उत्तम तिवारी र चिन्टु तिवारी नारायणी अस्पतालबाट फरार रहेको प्रहरीले जानकारी गराएको छ । उनीहरुको खोजी भइरहेको प्रहरीले जनाएको छ ।
चौरसिया हत्याको मुख्य आरोपीको रुपमा मुद्दा दर्ता भएसँगै गुप्ता फरार भएको खबर सार्वजनिक भएपछि यसबारे आफूलाई जानकारी रहेको अभियोग लागेका गुप्ताले बताए।
घटनामा दोषी भेटिए कारबाई भोग्नसमेत तयार रहेको उनले बताए। पर्सा, विन्दवासिनी गाउँपालिका वडा नं २ बहुअर्वाभाठा बस्ने ४० वर्षीय नेता मुकेश चौरसियाको हत्या घटनामा आफु अनुसन्धानबाट दोषी भेटिए कानुन बमोजिम कारवाही भोग्न तयार रहेको स्पष्ट पारे।
हत्या घटनामा उनीसहित १२ जना नेता कार्यकर्ताविरुद्ध किटानी जोहरी परेसँगै अहिले पर्सामा उनीसहित अन्य कार्यकर्ता पनि फरार भएको अडकलबाजी भइरहेको छ। उनी वीरगंजबाट काठमाडौंतर्फ प्रस्थान गरेको वीरगंजमा चर्चा छ।
कहाँ छन् त गुप्ता ? फोन सम्पर्कमा गुप्ताले आफू नेपालमै रहेको बताए। उनले कहाँ छु भन्नेभन्दा पनि नेपालभित्रै रहेको र सबैको सम्पर्कमा रहेकोले फरार भनिरहन नपर्ने बताए। भने, ‘म कानुनभन्दा माथि छैन, जे कानुनी प्रक्रया पुरा गर्नुपर्छ, प्रहरीलाई अनुसन्धानमा सघाएर सहयोग गर्नेछु।’
उनले मुकेश चौरसियाको घटनामा आफनो संलग्नता नरहेको दाबीसमेत गरे। यता, कातिक ६ गते पर्साको विन्दावासनि गापा ५ प्रसौनीमा भएको सपथग्रहण कार्यक्रममा झडपमा परी गम्भीर घाइते भई उपचारको क्रममा मृत्युवरण गरेका मुकेशको घरपरिवारले उनकै योजनामा सो घटना भएको र लाठीभाटा हान्ने देवा सहनी र हनिफ मिया गुप्ताकै वीरगंज श्रीपुरस्थित निवासबाट पक्राउ परेको हुदाँ उनको संलग्नता हुने दावी गर्दै आएका छन्।
पूर्ब सभासद गूप्तासहित १२ जनाको नाम किटानी जाहेरीमा समावेश गरी पर्सा प्रहरीमा कातिक ७ गते दर्ता गराउन जाँदा प्रहरीले जाहेरी दर्ता गर्न मानेको थिएन।
