३० कार्तिक, काठमाडौं ।
महानगरीय ट्राफिक प्रहरी महाशाखाले ट्राफिक चेकिङ थप कडा बनाउने भएको छ।
तिहारको समयमा हुने सक्ने दुर्घटनालाई न्यनिकरण गर्न ट्राफिक संक्रियता बढाएको हो।
तिहारमा मादक पदार्थ सेवन गरेर सवारी चलाउन सक्ने आशंकामा प्रहरीले दिउँसो पनि मापसे चेकिङ समेत गरिरहेको महानगरीय ट्राफिक प्रहरी महाशाखाका प्रमुख एसएसपी भीमप्रसाद ढकालले जानकारी दिए।
चाडपर्व भन्दै मादकपदार्थ खाएर सवारी चलाउने गरेको पाइन्छ। यसले दुर्घटना निम्त्याएको छ। त्यसैले यस्ता घटना कम गर्न संक्रिय रुपमा ट्राफिक प्रहरी परिचालन गरिएको छ, एसएसपी ढकालले भने।
महाशाखाले दशैं तथा तिहार लक्षित सुरक्षामा योजनाको लागि ७ सय ४९ प्रहरीको जनशक्ति थप गरेको छ। त्यस्तै अन्य समयमा हुने चेकिङ प्वाइन्टहरु पनि थप गरिएको एसएसपी ढकालले जानकारी दिए।
ट्राफिक प्रहरीले अहिले पनि जोरबिजोर प्रणाली लागू गरे नगरेको सडकमा चेकिङ गरिरहेको छ। त्यसैगरी बस तथा टिकट काउन्टरमा यात्रुहरु माथि हुने ठगी नियन्त्रण गर्ने सादा पोसाकमा समेत प्रहरी परिचालन गरिएको छ।
