हिम पहिरोमा परी इरानमा १० जनाको मृत्यु

१२ पुस, एजेन्सी ।

इरानको राजधानी तेहरानको उत्तरी हिमाली क्षेत्रमा गएको हिमपहिरोमा परी १० जनाको मृत्यु भएको छ । सात जना अझै हराइरहेका छन् भने १४ जना पर्वतारोहीको उद्दार गरिएको छ ।

हिम पहिरोमा परेकाहरुको खोजी कार्य जारी छ । खोज तथा उद्दारका लागि २० वटा टोली खटाइएको छ । रात परेकाले रोकिएको उद्दार कार्य आज विहानबाटै शुरु भएको छ ।

हिम पहिरोमा परी मृत्यु हुनेहरुमा राजनीतिक कार्यकर्ता, शिक्षाविद्, डाक्टर र पर्वतारोहण प्रशिक्षक रहेका छन् । राजधानी तेहरान नजिक रहेको सो हिमश्रृखला पर्वतारोही तथा स्की खेल्नेका लागि निकै लोकप्रिय रहेको छ । तर विगत केही दिनदेखि खराब मौसमका कारण दुःखद घटना भएको बताइएको छ ।