विराटनगर,जेठ २५
दुई साता अघि इलाका प्रहरी कार्यालय इटहरीले जग्गा किचलोको आरोपमा पक्राउ गरी सार्वजनिक मुद्धा लगाइएका नेपाल तरुण दल सुनसरीका सभापति सिजन गुरुङ रिहा भएका छन् ।
जग्गा किचलो गरेको आरोप लगाउदै प्रहरीले गुरुगंलाई १५ दिन अघि व्यवासायिक काम सकेर घर फर्कदै गरेको अवस्थामा प्रहरीले पक्राउ गरेको थियो । सार्वजनिक मुद्धा लगाइका गुरुङ सात हजार धरौटीमा छुटेको नेपाली कांग्रेस सुनसरी क्षेत्र नम्वर २ का सचिव रमेश पोखरेलले वताए ।
गुरुङलाई रातको समयमा अपहरण शैलीमा प्रहरीले पक्राउ गरेको भन्दै नेपाली कांग्रेस सुनसरीले आरोप लगाउदै आएको थियो ।
तरुण दल सुनसरी सभापति तथा नेपाली कांग्रेसका महासमिति सदस्य समेत रहेका गुरुङलाई राजनैतिक आस्थाका आधारमा पक्राउ गरिएको भन्दै नेपाली कांग्रेस सुनसरीले चरणवद्ध आन्दोलन समेत गर्दै आएको थियो ।
