५ फागुन, एजेन्सी ।
नेदरल्याण्ड्सको हेगस्थित अदालतले सरकारले गत जनवरीदेखि कोभिड-१९ नियन्त्रणका लागि लागू गरेको रात्रिकालीन कर्फ्यू हटाउन आदेश दिएको छ । कर्फ्यूका कारण नागरिकको स्वतन्त्र रुपमा आवागमन गर्न पाउने अधिकार हनन् भएको भन्दै यसलाई हटाउन अदालतले आदेश दिएको हो ।
आदेशमा राति ९ बजेदेखि विहान ४.४० बजेसम्म आपतकालिन कानुन अनुसार कर्फ्यू लगाइएको तर सरकारले व्याख्या गरेजस्तो आपतकालिन अवस्था नभएको उल्लेख छ ।
कर्फ्यूको विरोधमा थुप्रै डच शहरहरुमा हिंसात्मक घटना भएका छन् । हिजो पनि नेदरल्याण्ड्सको संसद भवन अघि भएको प्रदर्शनको प्रहरीले गस्ती गरेको छ । तर कुनै अप्रिय घटना भने भएको छैन ।
यसअघि पनि अदालतले कर्फ्यु छिट्टै अन्त्य गरिनुपर्ने जनाएको थियो । सरकारले भने अदालत समथ हप्ताको अन्त्य सम्मका लागि आदेशलाई निलम्बन गर्न आग्रह गरेको थियो ।
अदालतको आदेशपछि कर्फ्यु हटे पनि केहि प्रतिबन्धात्मक व्यवस्था आवश्यक रहेको सरकारी प्रतिक्रिया रहेको छ ।
