९ फागुन, काठमाडौँ । हप्ताको पहिलो दिन सुनको भाउ प्रतितोला ८ सय रुपैयाँले बढेको छ ।
अस्ति शुक्रवार भाउ घटेर तोलामा ८८ हजार २ सय रुपैयाँमा झरेको सुनको भाउ आज फेरि बढेर ८९ हजार रुपैयाँमा पुगेको छ ।
यसअघि गएको बिहीवार सुनको भाउ तोलामा ८९ हजार २ सय रुपैयाँ थियो । केही दिनयता सुनको भाउ घट्न थालेको छ । अन्तर्राष्ट्रिय बजारमा सुनको भाउ घटेकाले नेपाली बजारमा पनि भाउ घटेको नेपाल सुनचाँदी व्यवसायी महासङ्घले जनाएको छ ।
यस्तै, आज चाँदीको पनि भाउ बढेको छ । शुक्रवार असल चाँदी प्रतितोला १३ सय ५ रुपैयाँमा कारोबार भएकोमा आज १३ सय ३० रुपैयाँमा कारोबार भइरहेको छ ।
