२ चैत, डडेलधुरा ।
डडेलधुराको परशुराम नगरपालिकामा एक किशोरीलाई बलात्कार गरेको आरोपमा ४ जनालाई प्रहरीले पक्राउ गरेको छ ।
पक्राउ पर्नेमा अन्दाजी १४ वर्षका तीन जना किशोर र ७० वर्षीय एक जना वृद्ध गरी ४ जना रहेको इलाका प्रहरी कार्यालय जोगबुडाका प्रहरी निरीक्षक रमेशदत्त अवस्थीले जानकारी दिए ।
उनीहरूले करिब २ महिना पहिले १४ वर्षीय किशोरीलाई बलात्कार गरेको आरोपमा पक्राउ गरिएको हो । बालिकाले लगाएको आरोपमा पक्राउ परेका आरोपितहरूलाई थप अनुसन्धानका लागि जिल्ला प्रहरी कार्यालय डडेलधुराले हिरासतमा लिई थप अनुसन्धान गरिरहेको प्रहरी निरीक्षक अवस्थीले बताए ।
