१५ बैशाख, काठमाडौ । बागमती प्रदेशका नवनियुक्त ३ जना मन्त्रीहरु तथा एक राज्यमन्त्रीले पद तथा गोपनीयताको सपथ ग्रहण गरेका छन् ।
प्रदेश प्रमुख विष्णुप्रसाद प्रसाईले नवनियुक्त मन्त्रीहरु तथा राज्यमन्त्रीलाई पद र गोपनीयताको सपथ ग्रहण गराएका हुन् ।
नुवाकोटका सांसद केशवराज पाण्डेलाई आन्तरिक मामिला तथा कानुनमन्त्री, सिन्धुपाल्चोकका सांसद सरेश नेपाललाई उद्योग, वन, पर्यटन तथा वातावरण मन्त्री, दोलखाकी सांसद सरस्वती बस्नेतलाई सामाजिक विकास मन्त्री र धादिङका सांसद डा. रामकुमार अधिकारीलाई सामाजिक विकास राज्यमन्त्रीको जिम्मेवारी दिइएको छ ।
यसअघि प्रदेशको उद्योग, पर्यटन वन तथा वातावरण मन्त्रीबाट अरुण नेपाल, आन्तरिक मामिला तथा कानून मन्त्रीबाट शालिकराम जम्कट्टेल, सामाजिक विकास मन्त्रीबाट युवराज दुलालले राजीनामा दिएका थिए । यी तिनै मन्त्रालय मुख्यमन्त्री डोरमणि पौडेलले आफू मातहतमा राखेका थिए ।
