२७ बैशाख, एजेन्सी । इटालियन सिरी ‘ए’ फुटबलमा एसी मिलानले सहज जित निकालेको छ । आइतबार राति भएको खेलमा मिलानले युभेन्ट्सलाई ३–० गोल अन्तरले पराजित गरेको हो ।
युभेन्ट्सको मैदानमा मिलानलाई जित दिलाउन ब्राहिम डियाज, एन्ट रेबिक र फिकायो टोमोरीले एक÷एक गोल गरे । पहिलो हाफको इन्जुरी समयमा डियाजले गोल गर्दै मिलानलाई अग्रता दिलाएका थिए ।
५८ औं मिनेटमा मिलनका फ्रान्क केस्सी पेनाल्टीमा गोल गर्न चुके । खेलको ७८ औं मिनेटमा रेबिकले गोल गर्दै मिलानलाई २–० को अग्रता दिलाए । खेलको ८२ औं मिनेटमा टोमोरीले गोल गर्दै मिलानलाई ३–० को जित दिलाए ।
जितसँगै मिलान लिगको तेस्रो स्थानमा उक्लिएको छ । मिलानले ३५ खेलमा ७२ अंक जोडेको छ । युभेन्ट्स लिगको पाँचौं स्थानमा रहेको छ । युभेन्ट्सले ३५ खेलमा ६९ अंक जोडेको छ ।
