१ जेष्ठ, एजेन्सी ।
भारतीय स्वास्थ्य मन्त्रालयको तथ्यांक अनुसार हाल भारतमा संक्रमितको संख्यामा कमी आएको छ भने संक्रमण मुक्त हुनेको संख्या बढेको छ।
भारतमा पछिल्लो २४ घण्टामा ३ लाख २६ हजार ९८ जनामा कोभिड १९ संक्रमण देखिएको छ। शनिबार बिहानसम्म ३ लाख ५३ हजार २९९ जना कोरोना संक्रमण मुक्त भएका छन्।
यस्तै, एकैदिन ३ हजार ८९० जनाको संक्रमणका कारण मृत्यु भएको मन्त्रालयले जनाएको छ। भारतमा हालसम्म २ करोड ४३ लाख ७२ हजार ९०७ जनामा कोरोना संक्रमण पुष्टि हुँदा २ लाख ६६ हजार २०७ जनाको मृत्यु भइसकेको छ।
हाल भारतभर ३६ लाख ७३ हजार ८०२ जना सक्रिय कोरोना संक्रमित रहेका छन्। १८ करोड ४ लाख ५७ हजार ५७९ जनाले कोरोनाविरुद्धको खोप लगाइसकेका छन्।
हाल भारतमा खोपको कमीले गर्दा राजधानी दिल्ली लगायतका साथै अन्य स्थानमा खोप कार्यक्रम रोकिएको छ।
