४ असार, जुम्ला । जुम्लाको पातारासी गाउँपालिका वडा नम्बर ४ का चार जना सम्पर्कविहीन भएका छन् ।
पाटनमा गएका पातारासी गाउँपालिका वडा नम्बर ४ का चार जना सम्पर्कमा नआएका जिल्ला प्रहरी कार्यालय जुम्लाका प्रमुख प्रहरी नायब उपरीक्षक दानबहादुर थापाले जानकारी दिए ।
थापाका अनुसार उनीहरु टुङटुङ लेखमा पालमा बसेका र ढुङ्गा खस्दा एक जना घाइते भएको खबर सुनेको तर त्यसपछि सम्पर्क हुन सकेको छैन ।
स्थानीय प्रशासनले हेलिकप्टरमार्फत उद्धारको तयारी गरे पनि मौसमले साथ नदिएको प्रमुख जिल्ला अधिकारी भुपेन्द्र थापाले जानकारी दिए ।
