१४ असार, चितवन ।
चितवन राष्ट्रिय निकुञ्जले गैँडा मारेर फरार भएका अर्का एक व्यक्तिलाई पनि पक्राउ गरेको छ ।
चालु आर्थिक वर्षमा भएका गैडाको ४ वटै चोरी शिकारका घटनामा संलग्न भएका फरार प्रतिवादी गैडाकोट नगरपालिका वार्ड ३ बस्ने ३० वर्षीय राजमान मगर भन्ने राजमान थापालाई प्रहरीले पक्राउ गरेको हो ।
निकुञ्जका सूचना अधिकारी लोकेन्द्र अधिकारीले उनी पुर्पक्षका लागि कारागार चलान भएको र उनलाई निकुन्जले लामो समयदेखि निगरानीमा राखेको जानकारी दिए ।
उनीसँगै चालु आव २०७७–७८ हालसम्म २७ जना गैडा तस्करहरु कानुनी कारबाहीको दायरामा आएको अधिकारीले बताए ।
थापा विरुद्ध गैडा मारेर खाग बिक्रि गरेको आरोपमा जिल्ला अदालत नवलपरासीमा दुई र जिल्ला अदालत चितवनमा एक वटा मुद्दा दायर भएको निकुञ्जले जनाएको छ ।
