२२ असाेज, काठमाण्डाै ।
जर्मनीले पाँच देशका नागरिकको यात्रामा लगाएको प्रतिबन्ध भोलिदेखि हटाउने भएको छ ।
प्रतिबन्ध हटेसँगै नेपाल, बेलायत, पोचुर्गल, रुस र भारतका नागरिकले जर्मनी प्रवेश गर्न पाउने भएका छन् । कोरोनाविरुद्धको खोप प्राप्त गरेका नागरिकले जर्मनी पुगेपछि क्वरेण्टीनमा बस्नु नपर्ने भनिएको बीबीसीले उल्लेख गरेको छ।
खोप नलगाएकाहरूले भने १० दिनसम्म क्वरेण्टीनमा बस्नुपर्नेछ । तर उनीहरूको पाँचौँ दिनमा परीक्षण गर्दा नतिजा नेगेटिभ आए क्वरेण्टीनबाट बाहिरिन पाउने छन् । अहिलेसम्म यात्रा प्रतिबन्ध लागेका पाँच देशलाई कोरोनाको डेल्टा भेरियन्ट र डेल्टा प्लस भेरियन्ट फैलिएका कारण भाइरस भेरियन्ट क्षेत्रका रूपमा वर्गीकरण गरिएको थियो ।
