११ साउन, सर्लाही ।
हात्तीको आक्रमणबाट सर्लाहीमा एक जनाको मृत्यु भएको छ भने एक जना घाइते भएका छन् ।
हरिवन नगरपालिका वडा नं ४, गणेश चोककी ६२ वर्षिया तेतरी खातुनलाई गए राति २ बजेतिर जङ्गली हात्तीले आक्रमण गरेको थियो ।
छिमेकमा रहेको विवाह घरमा जाँदै गर्दा एक्कासि देखा परेको जङ्गली हात्तीले आक्रमण गर्दा पेट र खुट्टामा चोट लागि खातुन घाइते भएका थिए।
घाइते खातुनको उपचारका क्रममा नेशनल मेडिकल कलेज, वीरगन्जमा बिहान साँढे ६ बजेतिर मृत्यु भएको सर्लाही प्रहरी प्रवक्ता प्रहरी नायब उपरीक्षक माधव प्रसाद बुढाथोकीले बतए ।
यस्तै, सर्लाहीको बागमती नगरपालिका–४ स्थित रेल्वे लिक नजिकै एक पुरुष हात्तीको आक्रमणबाट घाइते भएका छन् । मानसिक सन्तुलन ठिक नभएका उक्त घाइते पुरुष अन्दाजी ३५ वर्षको रहेको र पहिचान नखुलेको प्रहरीले जनाएको छ।
