२ भदाै, काठमाडौं ।
नेकपा एमालेले गरेको प्रतिनिधिसभा सदस्यमाथिको निष्कासन र सांसदबाट पदमुक्त गर्ने निर्णय कार्यन्वयन नगर्न माग गर्दै १४ सांसदले संसद सचिवालयमा निवेदन दिएका छन् ।
बुधबार १४ सांसदको संयुक्त पत्र लिएर विरोध खतिवडा र जीवनराम श्रेष्ठ संसद सचिवालय गएका छन् । अर्याल होटलमा बसेको अनौपचारिक बैठकमा उनीहरुले आफूहरूमाथिको कारवाही गैरकानूनी र पार्टीको विधानविपरीत रहेको निष्कर्ष निकालेका हुन् ।
यसको जानकारी निर्वाचन आयोगलाई पनि गराइने जनाइएकाे छ । एमालेले नेपालसहित १४ सांसदलाई निष्कासन गरेकाे सुचना मंगलबार सचिवालयलाई दिएको थियो ।
