विराटनगर, असार २४
विराटनगर महानगर भित्रको ट्राफिक जाम हुने समस्यालाई व्यवस्थित बनाइने भएको छ । जिल्ला ट्राफिक,यातायत व्यवसायी,उद्योगी लगायत सरोकार सम्बद्धहरु सँग आइतवार महानगरमा भएको छलफलमा ट्राफिक समस्या समाधान गर्ने निर्णय भएको हो ।
जसका लागि विराटनगर स्थित ट्राफिक चोकदेखि जलजलामोड सम्म मेनरोडमा दुवै तर्फ पार्किङ्ग निषेध गरिनुका साथै ए प्लट , बि प्लट र नमस्कार होटल अगाडीको भागमा पार्किङ्ग गर्न दिइने, बुधहाटचौक हनुमान मन्दिर देखि जलजला मोडसम्म लाग्दै आएको वान वे मा दुइपांग्रे सवारी साधनलाई आवज जावतमा खुल्ला गरिने भएको छ ।
त्यस्तै अन्य सवारीसाधनको हकमा वान वे यथावत रहने छ । त्यसै गरि वडाप्रहरी कार्यालय क देखि जलजला मोडसम्मको सडकमा समेत एकतर्फी पार्किङ्गको व्यवस्था गरिने निर्णय गरिएको छ ।
कार्यक्रममा महानगरका मेयर भीम पराजुलीले ट्राफिक प्रहरी सँगको सहकार्यमा महानगरले जनमुखि कार्यलाई निरन्तरता दिने बताए । उनले महानगर भित्रको व्यवस्थित ट्राफिक व्यवस्थापनलाई साउन १ गतेदेखि पूर्णरुपमा कार्यन्वयनमा ल्याउने जानकारी दिए ।
कार्यक्रममा जिल्ला ट्राफिक प्रहरी कार्यालय मोरङका प्रमुख शिब पोखरेलले विराटनगरको ट्राफिक व्यवस्थापनमा केही नयाँपन दिन आफु लागिपरेको बताए । पोखरेलले जिल्लाभरि आफुले ट्राफिकको समस्या पहिचान गरी समाधानका लागि अद्धि बढेको बताए ।
कार्यक्रममा महानगरका प्रमुख प्रशासकिय अधिकृत कुमारप्रसाद दाहाल ,मोरङ व्यपार संघका अध्यक्ष पवन सारडा ,उद्योगी नविन रिजाल ,जिल्ला प्रहरी कार्यालय मोरङका डिएसपि निशान थापा ,विराटव्यपार संघका सुजन थापा, पूर्व नेपाल यातायत व्यवसायी महानसंघका धर्मदेव साहलगायतले ट्राफिक व्यवस्थापन र सहजताका विषयमा सुझाव दिएका थिए ।
हाल विराटनगर प्रदेशको राजधानि घोषणा भएसँगै अत्याधिक सिटि रिक्सा तथा सवारि साधनको चाप बढेकाले ट्राफिक व्यवस्थापन अस्त व्यवस्त हुँदै आएको छ ।
