१० भदौ, काठमाडौं ।
सरकारले महाकाली नदीमा बेपत्ता हुनुभएका जयसिंह धामीको परिवारलाई आर्थिक सहयोग स्वरूप दश लाख रुपैयाँ दिने निर्णय गरेको छ ।
बिहीवार बसेको मन्त्रिपरिषद्को बैठकले भारतीय सीमा सुरक्षा बल (एसएसबी) ले ‘तुइन काट्दा’ महाकाली नदीमा खसेर बेपत्ता भएका जयसिंह धामीको परिवारलाई १० लाख रुपैयाँ दिने निर्णय गरेको सरकारका प्रवक्ता एवम् कानुन, न्याय तथा संसदीय मामिला मन्त्री ज्ञानेन्द्रबहादुर कार्कीले जानकारी दिए ।
गएको साउन १५ गते धामी तुइन तर्ने क्रममा महाकाली नदीमा बेपत्ता हुनुभएको थियो, अझसम्म पनि उहाँको अवस्थाबारे थाहा भएको छैन ।
यस घटनामा छानबिनका लागि सरकारले समिति नै गठन गरेर प्रतिवेदन बुझाउन निर्देशन दिएको छ ।
