१५ भदाै, एजेन्सी ।
दक्षिण अफ्रिकाका तीब्र गतिका बलर डेल स्टेनले अन्तर्राष्ट्रिय सबै क्रिकेटबाट सन्न्यासको घोषणा गरेका छन् । ३८ वर्षिय स्टेनले मंगलबार अन्तर्राष्ट्रिय सबै क्रिकेटबाट सन्न्यास लिएको घाेषणा गरेका हुन् । स्टेनले दुई वर्षअघि टेस्टबाट सन्न्यास लिएका थिए ।
स्टेनले सन् २००४ मा इंग्ल्यान्डविरुद्ध टेष्टमा डेब्यू गरेका थिए । उनले ९३ टेस्टको १ सय ७१ इनिङमा ३.२४ को इकोनमिमा रन खर्चिदै कुल ४ सय ३९ विकेट लिएका छन् । उनको सर्वोत्कृष्ट प्रदर्शन ७-५१ छ । अन्तिम टेस्ट खेल २०१९ को फेब्रुअरीमा श्रीलंकाविरुद्ध खेलेका थिए ।
स्टेनले २००५ मा दक्षिण अफ्रिका ११ बाट एसिया ११ विरुद्ध ओडिआईमा डेब्यू गरेका थिए । अन्तिम खेल २०१९ मा श्रीलंकाविरुद्ध खेलेका थिए । स्टेनले १ सय २५ वान डे खेलमा १ सय ९६ विकेट लिएका छन्। उत्कृष्ट प्रदर्शन ६-३९ छ ।
टि२० आईमा २००७ मा न्युजिल्यान्डविरुद्ध डेब्यू गरेका थिए । अन्तिम खेल २०२० फेब्रुअरीमा अष्ट्रेलियाविरुद्ध खेलेका थिए । ४७ टि२० मा ६४ विकेट लिए । २ सय २८ टि२० खेलमा २ सय ६३ विकेट लिए ।
स्टेन तीव्र गतिसँगै बाउन्सका लागि चर्चित बलर हुन् । सन् २००५ देखि २०१५ को अवधि सम्म उनले विश्व क्रिकेटमा प्रभुत्व जमाएका थिए ।
स्टेन २००८ देखि २०१४ सम्म टेस्ट वरीयता बलिङमा शीर्षस्थानमा थिए । स्टेन दक्षिण अफ्रिकाबाट टेस्टमा सर्वाधिक विकेट लिने बलर हुन् ।
