२० भदौ, काठमाडौं ।
रामेछापमा प्रथम उपराष्ट्रपति कप फुटबल प्रतियोगिता आयोजना हुने भएको छ ।
शनिबार आयोजक गुराँसदेवी युवा क्लबले नेपाल खेलुकद पत्रकार मञ्च (एनएसजिएफ) को हलमा पत्रकार सम्मेलन गर्दै प्रतियोगिता असोज ३१ गतेबाट कात्तिक ४ गतेसम्म हुने जनाएको हो। प्रतियोगितामा नेपालका चर्चित ३२ क्लबले प्रतिस्पर्धा गर्ने छन् ।
प्रतियोगिताको विजेताले २ लाख र उपविजेताले १ लाख पाउने छन् । तेस्रोले ५० हजार र चौंथोले २५ हजार पाउने आयोजकले जनाएको छ । प्रतियोगिताको सर्वोत्कृष्ट खेलाडीले २० हजार पाउने छन् । उत्कृष्ट डिफेन्डर, गोलकिपर, मिडफिल्डर, फरवार्ड र सर्वाधिक गोलकर्ताले ५÷५ हजार पाउने छन् ।
