विराटनगर, असार २८
मधेसी स्वास्थ्यकर्मी फोरमले ११ औं वार्षिकोत्सवका अवसरमा रक्तदान कार्यक्रमको आयोजना गरेको छ । मधेसी स्वास्थ्यकर्मी फोरमले बिहिबार विराटनगरमा गरेको रक्तदान कार्यक्रममा २८ पिन्ट रगत संकलन भएको संस्थाका अध्यक्ष राजकुमार दासले जानकारी दिए ।
कार्यक्रममा बोल्दै सामाजिक विकासमन्त्री जीवन घिमिरे, प्रदेश सांसद जयराम यादव, संघीय समाजवादी फोरम मोरङका अध्यक्ष राजकुमार यादव लगायतले अझै पनि जनचेतनाको अभावले रक्तदान गर्न डराइरहेको बताएका थिए ।
स्वास्थ्य मानिसले प्रत्येक ३/३ महिनामा रक्तदान गर्दा कुनै असर नपर्ने कार्यक्रममा जानकारी दिइएको थियो । रक्तदान गर्दा मानिस स्वस्थ्य र शारिरिक रुपमा तन्दुरुस्त हुने कार्यक्रममा बताइएको थियो ।
