२९ भदाै, झापा।
नेकपा एमालेका अध्यक्ष केपी शर्मा ओलीले माधव नेपालले चुनावमा वडा अध्यक्ष पनि नजित्ने टिप्पणी गरेका छन्। नेकपा एमाले झापा जिल्ला कमिटीले मंगलबार बिर्तामाेडमा गरेकाे अगुवा कार्यकर्ता भेलालाई सम्बाेधन गर्दै अध्यक्ष ओलीले जनताले माधव नेपाललाई किन भोट दिने भन्दै प्रश्न गरेका थिए।
उनले भने, ‘माधव नेपालले वडा त के, वडा सदस्य पनि जित्दैनन्। माधव नेपाललाई जनताले भोट हाल्छन् अब? किन हाल्ने, एमाले फुटाएको हुनाले? एमाले टुक्र्याएको हुनाले? चोइट्याएको हुनाले? के कारणले माधव नेपालाई भोट हाल्ने?’
प्रचण्डले आफूहरुले वडामा पनि जित्न हम्मेहम्मे पर्ला जस्तो छ भनेको भन्दै ओलीले खुसी लागेको बताए। ‘उहाँले चुनावभन्दा अगाडि नै राम्ररी कुरा बुझेको देखेर मलाई खुसी लाग्यो’, उनले भने।
उनले पार्टी फुटाउनेहरु एमाले नभएका बताए । ‘एमाले फुटाउने हाम्रा साथी हाेइनन्, माधव माधव नेपालले एमाले कमजाेर बनाउन मात्र पार्टी खाेलेका हुन्, १६ वर्ष एमालेमा बसेर पार्टी सखाप पारे ।’ उनले भने ।
अध्यक्ष ओलीले माधव नेपाल जसरी पनि एमाले फुटाउने मनसायमा रहेपनि फुटाउन नसकेर चाेइटिएर गएका बताए । जीवन शर्मा गीतकाे प्रसंग सुनाउँदै उनले भने – ‘पिलाे निचाेर्दैमा ओजन घट्दैन, एमालेकाे ओजन घटेकाे छैन, एमालेकाे ओजन झन् झन् बढ्दैछ ।’
