अस्पतालमा अनाधिकृत औषधि खरिद भएको आशंकामा प्रहरीले गएराती न्यूरो अस्पताल विराटनगरमा छापा मारेको छ ।
यसअघि अनाधिकृत लेबल लगाएर औषधि बेच्ने एकजना भारतीय औषधि विक्रेतालाई प्रहरीले सोही अस्पताल परिसरबाट पक्राउ गरेको थियो । प्रहरीले प्रक्राउ गरेको राजेश अग्रवाल नामक ती व्यक्तिले एमजे बायो फार्म नामक भारतीय कम्पनीको लेबल लगाएर अनाधिकृतरुपमा औषधि बेच्ने गरेको बताइएको छ ।
भारतीय कम्पनी बायो फार्मले उत्पादन गर्ने औषधिको नेपालकालागि काठमाण्डौस्थित ए आर फर्मा आधिकारिक विक्रेता रहेकोमा अग्रवालले अनाधिकृतरुपमा सोहि औषधि बेच्ने गरेको एआर फर्माका विराटनगर प्रतिनिधि तन्मय दत्तले जानकारी दिए । उनले अग्रवालले नक्कली औषधि बेच्ने गरेको समेत दाबी गरेका छन ।
